Nok Ghoyat Chgito

Ambo jjadi teringak kor satu tulisae sorghae hambo Allah nih.
Gemuloh lamo doh tapi maso hayat diyyo, diyyo nih Orghae Puteh laa, bako British.
Namo diyyo Walter Armstrong Graham.
Nama sohhor diyyo " W.A. Graham ".
Diyyo nih konon nyor penasihak kor Ghajo Siyyae tapi diutuskae oleh Ghajo Siyyae selaku Siamese High Commissioner untok wi nasihak dalae hal pentadbirae kor kawasae jajohae diyyo hok kito lonih kenaa nga namo " Kelatae ".
Tugah diyyo sebenaa, saloh satu nyor adolah nok jago kepentingae British di Kelatae hok tikko tuh Siyyae kato hok diyyo.
British nih pulok jenih tok ggaduh, stail gentlemen gaetaek, diyyo nok kor Kelatae nga wak massuk dulu orghae suppo W.A. Graham nih, pah tuh barghu laa diyyo targhik Kelatae jadi naungae British secargho rasmi pakaa Perjanjiyyae Bangkok 1909.
Mako nok ppendaek kae cerghito,
W.A Graham nih ado karrae la satu buku bergambaa pasaa Kelatae,
mulo mulo tubik di Glasgow, Scotland tahung 1908.
Dalae buku tuh, diyyo ghoyak machae machae pasaa Kelatae,
Penuh nga gambaa, bekalih takdok lagih sapo sapo sebelong diyyo pernoh wak.
Serghebo maknaeko boleh kato ado belako hok selayok nyor bagi sebuwwoh " Guide Book ",
darghi hal tanoh, chuwacho, sapaa laa pasaa budayo nga ekonomi Kelatae tikko tuh.
Dalae banyok banyok,
ado sor tuh diyyo tulih pasaa " Kae'chaek Kelatae " ( the Kelantan dialect ) :


Petikan : " Kelantan : A State of The Malay Peninsular " Chapter VIII : Language, page 34 ~ 35 ( W.A Graham, 1908 )

Kadae kadae tuh nok sukko bacho,
sapaa gitummo diyyo described Kae'chaek Kelatae, bekalih nok ghoyak pelik nyor kalu bbanding nga bahaso Melayu hok umum orghae pakaa ...
Bacho habih doh ? Kalu yor, baguh.
Kalu dop, jangae malah, bacho sapaa habih.
Pah tuh, ingak mollek weh gappo diyyo tulih tuh
sebak ado kaittae nga gapo hok ambo nok ghoyak pah nih.